Endividi yo pa idantifye fèmen biwo dwàn Okap la

• Par Jean Rony Poito PETIT FRERE
• 14-05-2024
• 593
• 0
• Le Placentin

Endividi yo pa idantifye fè gwo menas sou anplwaye yo epi deside fèmen biwo Dwàn Okap la, ayè lendi 13 me 2024 la.

Daprè sa Administrasyon Jeneral Dwàn yo fè konnen sou kont X yo (Twitè), sitiyasyon sa a rive se aprè gwo sezi zam ak minisyon ki te fèt Okap 4 avril pase a. Administrasyon Jeneral Dwàn yo te deside voye yon Komisyon ki gen Ajan Ladwàn ki responsab pou ranfòse kapasite kontwòl Ladwàn Okap ak anplwaye li yo.

Endividi non idantifye sa yo ki pat kontan ak desizyon sa a, menase manm Komisyon an ki te oblije mete l a kouvè pou evite yo viktim anba men moun sa yo.

"Pou moman, moun sa yo ap fè yon operasyon ki rele: "Chache nèg Pòtoprens", ki vize sitou manm Komisyon an", se konsa nòt la fini.