Bandi nan baz "gran grif" detounen 6 bis, gen pasaje ki mouri

• Par Daphney AIMÉ
• 02-05-2024
• 2252
• 0
• Le Placentin

Bandi ak gwo zam fann fwa ki fè pati Baz kriminèl "Grangrif" kap opere nan ba Latibonit lan, atake 6 ti bis, ayè Mèkredi premye Me 2024 a. Selon responsab òganizasyon "Fòs Sendikal pou sove Ayiti" a.

Sendikalis Jacques Anderson Désroches fè konnen, gen kèk pasaje ki mouri, li tou pwofite denone konpòtman neglijans Leta Santral la ki pa fè ase efò pou kwape bandi yo ki pa sispann simen latwoublay nan depatman Latibonit lan.

Sendikalis la di l swete otorite yo nan Leta a pran bon jan mezi, pou fini ak koze bandi an nan depatman Latibonit la ak tout rès peyi an.