Deklarasyon Youtoubè ameriken an Kèk èd tan aprè Lanmò San Jou te fin libere li

• Par Jean Rony Poito PETIT FRERE
• 30-03-2024
• 2523
• 0
• Le Placentin

Kèk èd tan aprè Lanmò San Jou libere jounalis ameriken an, li fè yon deklarasyon pou di kijan li tap viv moman sa. Enfòmasyon yo fè konnen, pwòch li te deja bay 40 mil dola ameriken, sou 600 mil dola bandi yo te mande.

Aprè liberasyon li maten samdi 30 mas 2024 la, Addison Pierre Maalouf nan yon mesaj li poste sou kont Twitè li di "mwen te kidnape pou koulè po mwen". Mwen te kidnape paske yo te wè se te yon blan".

"Mwen Pa ka bay plis detay jiskaske mwen lakay mwen, men tout sa mwen pral di pou kounye a se - Glwa pou Bondye. Lage ant Vandredi Sen ak Pak, Kris la se Wa".

"Lè yo kidnape w nan mitan dezè ayisyen an 60 minit lwen nenpòt sivilizasyon nan yon ti kay beton ki antoure ak fil fè, ou pa priye yon drapo lakansyèl, ou priye Bondye".

Nap raplew nan moman bandi te kidnape li a, youtoubè a te avèk yon zanmi l ki se ayisyen. Li tap sòti Okap pou ale Dèlma 6, nan Kad yon entèvyou avèk chèf gang Jimmy Cherizier alyas Barbecue.