Lapolis arete yon kòkòday chèf gang Chrisla ki te nan wout pou ale Etazini

• Par Daphney AIMÉ
• 29-04-2024
• 1011
• 0
• Le Placentin

Lapolis arete Jameson Jean nan Ayopò Okap la, ayè Dimanch 28 Avril 2024 la, pandan li tap kite peyi an pou l al nan Peyi Etazini.

Selon enfòmasyon Lapolis bay, misye se kolaboratè rapwoche chèf gang "Krisla" kap opere nan "Tibwa" nan lokalite Fontamara.

Jameson Jean avwe polisye yo, se li men m ki konn fè anpil tranzaksyon lajan pou chèf gang sila.

Toujou daprè Lapolis, yo gen lontan depi yap chache towo sa pou enplikasyon l nan mouvman gang.