Yon Ameriken arete pou kadejak li fè sou yon pil ti gason nan yon Òfelina lap dirije an Ayiti

Société

Yon Ameriken arete pou kadejak li fè sou yon pil ti gason nan yon Òfelina lap dirije an Ayiti

Michaël GEINLENFELD , se non fondatè krèch ki pot non ST. Joseph's Home for Boys an Ayiti ki jwenn arestasyon l nan yon zòn ki rele DENVER kapital Eta COLORADO nan peyi Tonton SAM, 20 janvye ki sot pase la pou yon ansanm akizasyon ki fèt sou nan sans li ta fè kadejak sou yon pil ti gason ki sou responsabilitel nan ofelina ke lap dirije a.

Geilenfeld , gen swasant onz (71) lanne sou tèt li , arive anba kòd pou zak tizonnay yo akizel , yon deklarasyon li demanti e li fè konnen ke se sal yap sal imaj li . Sa pat anpeche Ministè Sekirite Enteryè ak FBI (Federal Bureau Investigation ) peyi Etazini sezi dosye a e arive mennen ankèt yo aprè envestigasyon yo , yo met men nan pat kasav prezime predatè seksyèl la nan Eta COLORADO, E li gen pou l tann santans ki rezève pou li aprè jijman.

An Ayiti, gen yon dividal faktè ki rann yon pakèt timoun; tifi kou ti gason al viv nan yon Òfelina se swa paran yo paka bay yo bon jan laswenyay, oudimwens papa ki kouri kite timoun nan manman ki pa okipe yo, Elatriye...

Sa k vin rann yon seri etranje ki nan lòt peyi ki konn pèvè , kriminèl, ki konn nan trafik imen ak trafik ògan tou jwenn yon bèl boulva ki rele Ayiti pou yo vin banbile ,banboche e fè tout dezòd yo vle ,gaspiye pitit moun , ke yo pa t ap ka fè nan Peyi yo sou pretèks y ap ede nan koze Òfelina.

Paske nan pale Ayisyen an li gen yon pwovèb kreyòl ki di " SE SÒT KI BAY, ENBESIL PA PRAN ".