Plizyè famasi boule bò Lopital Jeneral

• Par Jean Rony Poito PETIT FRERE
• 26-03-2024
• 6643
• 0
• Le Placentin

Zak teworis yo ap kontinye nan Pòtoprens. Plizyè famasi leve anba gwo flanm dife tou prè Lopital Jeneral, zòn ri Sent Onore.

Ant ayè Lendi 25 mas la pou rive jodi madi 26 mas 2024 la, tout famasi ki twouve yo tou prè Lopital Jeneral nan Pòtoprens pase anba dife; alòske pandan wikenn nan bandi yo te deja boule yon santèn machin plis divès depo ki nan kapital la.

Menm nan sikilasyon ki twouve l ba Dèlma, bandi yo mete dife tou.

Se Mackenson Rémy, jounalis radyo Karayib ki konfime nouvèl sa pou Jounal Premye Okazyon maten an.

Depi 29 fevriye pou rive jodi 26 mas 2024 la, bandi ak zam simen gwo dega nan divès rejyon nan depatman Lwès la. Anpil antrepriz piye, boule. Anpil moun tonbe anba bal divès lòt Kidnape.