Bandi nan laplèn kidnape yon mizisyen 16 lanne devan manmanl, epi mande yon gwo sòm lajan

Société

Bandi nan laplèn kidnape yon mizisyen 16 lanne devan manmanl, epi mande yon gwo sòm lajan

Moun ak zam Kidnape yon mizisyen ki gen 16 lane nan Lilavwa 29. Nouvèl sa lage gwo tristès nan mitan manm legliz Batis Lilavwa 23 yo, paske batè yo a nan men kidnapè.

Aksyon sa pase samdi 23 mas 2024 la, nan moman Fred Hercules Guerrier te lakay li epi nèg ak zam debake, Kidnape l devan manman li.

Ravisè yo deja kontakte fanmi an. Pou Fred Hercules Guerrier libere, ravisè yo mande 50 mil dola ameriken. Yon lajan pwòch jenòm nan poko janm genyen nan vi yo, selon sa yo di.

Fanmi an mande ravisè yo tanpri libere jenòm nan pou yo paske lajan sa a yo pa genyen l.

Kèk jou avan zak sa, Yvon Rival, pastè kote Fred Hercules Guerrier mache a te resevwa plizyè bal nan men endividi yo pat rive idantifye. Pou kounya, lap pran swen Lopital.

Nan menm semèn sa, bandi ak zam te antre Kidnape plizyè moun nan Lilavwa 48.

Lilavwa depi kèk tan, ap konnen yon moman ki difisil; lè se pa kout bal maten midi swa, se kidnapin toupatou. Alòske lapolis pèdi kontwòl tout zòn yo.