Konseye Prezidansyèl yo rankontre delegasyon peyi kenya a

• Par Jean Rony Poito PETIT FRERE
• 24-05-2024
• 958
• 0
• Le Placentin

Konseye Prezidansyèl yo òganize yon rankont, ayè jedi 23 me 2024 la, avèk yon delegasyon peyi kenya ki an Ayiti a.

Reyinyon sa fèt nan kad preparasyon kap fèt depi plizyè semèn pou misyon entènasyonal la debake nan peyi a, pou kapab vini ede PNH la avèk Lame batay kont gang yo pou kapab retabli lapè. Delegasyon peyi kenya nan peyi a depi lendi 20 me 2024 la.

Misyon sa ki prevwa vini an Ayiti a te kreye avèk rezolisyon 2699 Konsèy Sekirite Nasyonzini te adopte a.

Nap note ke premye gwoup sòlda yo ki te dwe rive nan peyi a ayè 23 me a p at vini. Sa prevwa fèt nan kòmansman mwa jen an paske te genyen reta nan kèk materyèl ki te kòmande pou misyon an.

Yon lòt bò, Polis Nasyonal la kòmanse sansibilize chèf inite espesyalize yo, asistan yo, ansanm ak dirijan operasyon yo sou konpòtman yo dwe adopte pandan operasyon lapolis ki pral fèt an patikilye nan kad deplwaman misyon miltinasyonal la an Ayiti.

Yon atelye ki konsantre sou “Kòmand ak lidèchip; Etik, Deyontoloji, Valè”, te fèt ayè jedi a tou.