Gwo kout zam ap chante nan kapital la

• Par Jean Rony Poito PETIT FRERE
• 21-04-2024
• 2182
• 0
• Le Placentin

Kout zam ap chante divès kote nan kapital la espesyalman nan antouraj chann Mas la, jodi dimanch 21 avril 2024 la.

Bandi ak zam nan Pòtoprens pa janm sispann fè kout bal chante. Depi plizyè èd tan moun nan antouraj Chann mas la ak moun ki abite kèk kote sou Nazon an ap lanse SOS sou divès gwoup Watsap pou mande Lapolis pote yo sekou anba bandi kap simen laterè.

Nou aprann plizyè kote sou wout ayewopò a avèk wout Frè se menm sitiyasyon an. Bri bal anpeche moun fonksyone.

Malgre tout jefò Lapolis la deplwaye, bandi ak zam yo sèmante yo pap bay Popilasyon an yon ti souf nan yon kontèks kote lekòl ak anpil aktivite sispann fonksyone nan anpil vil nan peyi a.

Nap raple ke Kowalisyon “Viv Ansanm“ nan anonse depi kèk jou ke konsèy Prezidansyèl la pap enstale alòske Konseye yo deja nome. Kout bal pa janm sispann fè mikalaw nan zòn Palè a .