Bandi piye lokal Fakilte Medsin nan

• Par Jean Rony Poito PETIT FRERE
• 21-04-2024
• 2904
• 0
• Le Placentin

Nèg ak zam ki di yap fè revolisyon an atake epi piye lokal Fakilte Medsin nan Pòtoprens.

Endividi yo poze aksyon sa nan lannwit samdi 20 pou rive dimanch 21 avril 2024 la. Rektora a poko pale ofisyèlman sou sa men radio RFM rapòte enfòmasyon an selon sous yo.

Depi prèske 2 mwa, Kowalisyon "Viv Ansanm" ki fè konnen se yon revolisyon yap fè nan peyi a deja atake plizyè Fakilte ki nan inivèsite leta.

Avèk aksyon sa yo, se plizyè dizèn pwofesè kap tonbe nan chomaj ak plizyè milye jèn fanm ak jèn gason ki pap gen posiblite pou kontinye resevwa pen lenstriksyon an.