Bandi ak gwo zam lou detounen yon bato ranpli ak machandiz avèk 6 moun

• Par Jean Rony Poito PETIT FRERE
• 14-04-2024
• 1509
• 0
• Le Placentin

Nèg ak gwo zam lou atake epi fòse ekipaj yon bato machandiz pran direksyon Minotri alòske batiman sa t ap antre nan Zetwa, zile Lagonav.

Bandi yo fè zak malonèt sa ayè samdi 13 avril 2024 la. Malfra yo debake sou 2 flaybòt. Batiman sa rele "Jezi Vle". Li te gen ladanl anviwon 1500 sak diri avèk 6 moun.

Bandi ak zam yo pa sispann fè atak sou divès batiman sou lanmè a, nan lide pou Kidnape moun epi detounen machandiz.

Nap raplew nan jou pase yo, nèg ak zam ki fè pati baz "Izo 5 Segonde" te detounen yon gwo bato machandiz avèk plizyè moun ladanl. Lapolis te anonse yo rekipere bato a, men moun yo potko jwenn liberasyon yo.