109 ayisyen jwenn arestasyon yo nan lakay vwazen

• Par Jean Rony Poito PETIT FRERE
• 11-04-2024
• 2315
• 0
• Le Placentin

Lame Dominikèn ak Direksyon Jeneral Imigrasyon peyi Sen Domeng arete 109 moun ki gen nasyonalite ayisyen, ki te antre nan Repiblik Dominikèn ilegalman atravè pwovens Dajabón ak Montecristi.

Moun sa yo jwenn arestasyon yo madi ki te 9 avril 2024 la, nan 2 operasyon.

Nan Aminilla, Dajabón, 30 imigran san papye arete, 23 gason, 7 fanm pami yo 2 tifi. Yo te mennen yo nan katye jeneral Dizyèm Batayon Enfantri a, ki baze nan Dajabón, pou yo te remèt yo bay imigrasyon pou kontinye ak rapatriman.

Nan Montecristi, yon dèzyèm gwoup 79 imigran san papye te arete. Gwoup sa te gen ladann 56 gason, 18 fanm ak 5 minè.