Lapolis touye anviron 5 ajan BSAP, nan komin Petyonvil

Société

Lapolis touye anviron 5 ajan BSAP, nan komin Petyonvil

Lapolis ki swadizan gen deviz pou pwoteje ak sè vi touye ak bal anviron 5 ajan BSAP nan Laboul 11 maten Mèkredi 7 fevriye 2024 la. Daprè plizyè sous konbine.

Ensidan sa rive, nan moman ke Yon pick-up ki te pote plizyè ajan BSAP sanzatann tal kwaze ak Lapolis, la menm bagay yo chavire. Anpil katouch tire, yon sitiyasyon ki lakòz lanmò 5 ajan ak arestasyon anpil lot ajan BSAP.

Daprè sa yon Sitwayen ki tap viv sitiyasyon an rakonte repòtè Radyo Mega a. Aksyon sa pase bò Sal wayòm temwen Jewova ki twouvel nan Laboul 11 lan, pandan youn nan viktim yo kouri antre lakay li, polisye a tire sou Ajan BSAP la nan lakou a, lapoula li mouri.

Lòt Ajan yo jwenn arestasyon yo pandan tap monte al kontre lòt ekip ki tap desann lan. Lapolis san mande ki mò ki te touye lanperè, anbake plizyè ajan BSAP nan machin yo.

Nap raple, nan yon nòt Ministè Anvirònman te rann piblik 29 janvye ki sot pase la, Gouvènman defakto an te pase lòd pou okenn ajan BSAP pa mache ak zam fann fwa sou teritwa nasyonal la, yo menm mande pou yo ret nan wòl epi fè travap ANAP ba yo fè jouk kò a refòme.