Lapolis mete anba kòd youn nan sòlda ki konn ap ranmase lajan pou gwoup gang Boutba ap dirije a

• Par Jean Rony Poito PETIT FRERE
• 05-05-2024
• 3325
• 0
• Le Placentin

Youn nan manm gang boutba ap dirije a jwenn arestasyon li nan depatman Sidès peyi a. La Polis jwenn nan men misye ak yon sòm kòb.

Fòs lòd yo mete Louis Jeune Jean alyas Blanc anba kòb nan zòn Marbial komin Jakmèl.

Selon enfòmasyon ki disponib yo, endividi sa ki gen 31 lane se youn nan sòlda ki konn ap ranmase lajan pou gwoup gang Boutba nan Maryani, antre Sid kapital la.

La Polis jwenn nan men l 113.500 goud.

Nan yon kontèks kote gang prèske fini kraze kapital la, arestasyon sa temwanye jefò otorite yo nan depatman Sidès la deplwaye pou kotrenn tout gang kap tante vini pran refij yo.