Nouvo anbasadè Etazini an chita pale avèk DG Polis la

• Par Jean Rony Poito PETIT FRERE
• 02-04-2024
• 1689
• 0
• Le Placentin

Nouvo anbasadè Etazini an Ayiti a, Dennis Hankins rankontre Direktè Jeneral Polis la, nan lide pou te echanje sou sitiyasyon sekirite peyi a

Rankont sa fèt jodi madi 2 avril 2024 la. Diplomat Dennis Hankins diskite avèk Frantz Elbé sou divès pwoblèm PNH la ap konfwonte nan moman kriz sa. Li pwofite salye fòs ak kouraj polisye yo ki pa janm febli nan batay kont gang yo.

Diplomat Dennis Hankins di peyi Etazini rete detèmine pou ranfòse kapasite operasyonèl PNH la, selon yon mesaj ki poste sou kont Twitè Ambasad Amerikèn nan Pòtoprens.

Nap raple w, ayè lendi premye avril 2024 la, anbasadè a te rankontre Minis Ekonomi ak Finans lan, Michel Patrick Boisvert ak Minis Afè Etranjè a, Jean Victor Généus.