Kilti: 3 mizisyen Òkès Septentrional SOVE nan moman toune an Ozetazini

• Par Le Placentin
• 01-11-2024
• 4906
• 0
• Le Placentin

Apre yon long toune Ozetazini soti 4 pou rive 30 oktòb, 3 mizisyen Òkès Septentrional pami yo direktè mizikal Òkès la, Jocelyn Alcé alyas maestro Tibass deside rete ilegal Ozetazini (SOVE). Ki pwovoke anpil deba nan sosyete ayisyèn nan.

A gran etónman 3 nan mizisyen ki se : Confident Guercy enjenyè son, Louguens Twonpetis ak Jocelyn Alcé Aka mayestwo ti bas ki se direktè mizikal òkès la rive chape poul yo, apre long toune Ozetazini an, ki vle di yo pa retounen Ayiti.

Confident Guercy enjenyè son, se premye mizisyen ki te rive pran desizyon sove kite Òkès la, daprè Odimix Lainé ki se youn nan animatè Septentrional, Guercy pran desizyon sila san li pa anonse kòlèg li yo, li te jis kite malèt li nan otèl òkès la te desann nan.

Aprè kèk jou, Louguens ki se youn nan twonpetis djaz la pran menm desizyon an tou, nan yon nòt vokal li voye bay kòlèg li yo , li eksplike rezon ki Koz li blije lage pye li, e li mande kòlèg li yo padon.

Kou ki touye koukou a, se lè moun yo gade yo wè mayestwo Jocelyn Alcé ki se yon pilye nan òkès la pran menm desizyon an tou, maestwo a di viza touris li ekspire, li pa konn kilè anbasad Ayiti ap rive fonksyonèl pou li renouvle viza li , li blije rete pou 6 mwa poul jere zafè rezidans li .

Se yon kalite desizyon ki mete anpil deba nan sosyete ayisyèn nan nan dènye jou sa yo, anpil moun jije mizisyen yo, konsa tou anpil lòt ba yo rezon, anpil moun enkyè tou, yo di yo pa kwè ke anbasad ameriken ap rebay Òkès la viza ankò nan mwa kap vini yo pou vin fè tounen nan peyi tonton Sam nan paske se pa premye fwa sitiyasyon sa yo ap rive nan Òkès Septentrional, pa two lontan Djory Bagèt ki se te youn nan batè Septen te rive sove apre yon toune . Antouka N ap sib …