Ayiti: Asosiyasyon ajan mon cash yo denonse kèk move pratik konpayi Digicel, epi deside kanpe travay nan 10 depatman peyi a

• Par Le Placentin
• 12-10-2024
• 3888
• 0
• Le Placentin

Nan yon nòt yo pibliye nan dat 11 oktòb 2024 la, Asosiyasyon ajan Mon (AAM) cash yo anonse ke biwo Mon cash yo ap fèmen apati samdi 12 oktòb 2024, koz konpayi Digicel ap eksplwate yo.

“ Nap enfòme piblik la an jeneral ak laprès , nou menm asosiyasyon ajan MonCash nan 10 depatman peyi dayiti tout biwo ak sant sèvis nou yo ap rete fèmen apati samdi 12 oktòb la akoz move kondisyon travay nou ak konpayi Digicel antanke ajan ki envesti lajan nou. Yo eksplwate fòs nou , kouraj nou , lajan , lokal nou ak materyèl nou” se sa nou kapab li nan nòt sila.

Pi lwen , asosiyasyon an eksplike kijan yo ap soufri lontan , selon regwoupman, pa egzanp sou yon depo mil goud, Digicel touche 65 goud frè, se sèlman 12.08 goud ki rete pou ajan yo ak anplwaye yo. Asosiyasyon an ale pi lwen pou yo di nan yon tranzaksyon 75 000 goud konpayi Digicel touche 1600 goud , se sèlman 156 goud ki rete pou ajan ak anplwaye li yo .

Se pou tout rezon sa, yo blije fèmen tout espas mon cash yo nan 10 depatman peyi a, pou Digicel kapab tande vwa yo.