Pati politik Revèy Nasyonal pou Souverènte Ayiti anonse li pral pran tèt opozisyon an

Politique

Pati politik Revèy Nasyonal pou Souverènte Ayiti anonse li pral pran tèt opozisyon an

Yon jou aprè enstalasyon Konsèy Prezidensyèl Tranzisyon an, patizan Guy Philippe yo ki regwoupe nan pati politik Revèy Nasyonal pou Souverènte Ayiti rankontre laprès, jodi Vandredi 26 Avril 2024 la, nan lide pou denonse manb Konsèy la epi anonse ke pati an ap pran tèt opozisyon an.

Daprè lidè pati sa a, enstalasyon Konsèy la se yon gwo desepsyon pou peyi a.Se yon maskarad ki pral lage popilasyon an nan tout sak pa bon. Daprè yo, se yon koulèv 7 tèt ak 2 ke, ki pran pouvwa a, se 9 dechèpiyè ki pral fin debaba ti rès resous peyi an.

Sou yon lòt bò, kowòdonatè pati a, Jeantel Joseph, fè konnen se ki yo pral pran tèt opozisyon an, e yap batay jouk yo rive dechouke Konsèy Tranzisyon an. Menm si yo konnen detwi yon sistèm pa fasil, yap fè l, paske tout eleman sistèm lan reyini nan yon koulèv 7 tèt ak 2 ke. << Aprè nou fin pran tèt opozisyon an, batay la pap kanpe, nap goumen jouk nou kapote Konsèy la epi mete peyi an sou ray devlopman.>>sa se deklarasyon Jeantel Joseph

Nap raple ke, Patizan Guy Philippe yo ak manb Pati Revèy Nasyonal la pat janm danse ak lide pou te mete yon Konsèy Tranzisyon nan tèt peyi a.