Yon jèn fi pèdi lavi l aprè te l fin resevwa yon bal nan tèt

• Par Jean Rony Poito PETIT FRERE
• 03-04-2024
• 1889
• 0
• Le Placentin

Enithe DESIR pèdi lavi l aprè li te fin resevwa yon bal pèdi nan komin Taba, nan moman te gen gwo afwontman ant Lapolis avèk bandi.

Aksyon sa pase ayè madi 2 avril 2024 la, nan Taba 27. Malgre fanmi li te kouri avè l nan Lopital " Sans Frontières " ki nan Komin nan, jèn fi sa ki gen ti non jwèt li Dodo rann dènyè Souf li.

Enfòmasyon sa se ajans Clin d'œil Info ki rapòte li.

Bandi ak zam pa sispann simen laterè depi kòmansman nouvèl semèn sa. Sèlman nan 2 premye jou nan mwa avril la, omwen 5 moun gentan pèdi lavi yo anba bal pèdi nan rejyon Metwopolitèn nan.