Konsèy prezidansyèl la ak Laprimati lanse jounen Fowòm pou apiye pwosesis elektoral la

• Par Le Placentin
• 09-11-2024
• 840
• 0
• Le Placentin

Nan yon kominike pou, Konsèy Prezidansyèl Tranzisyon an anonse lansman jounen samdi 9 novanm 2024 la Fowòm pou apiye pwosesis elektoral la sou tèm : “defi ak kondisyon pou reyisi pwosesis Referandòm ak Elektoral la”

Daprè konsèy la, jounen echanj sila te gen pou objektif kontinye ak egzèsis pou idantifye defi elektoral yo epi pwopoze yon espas echanj sou dosye sa k ap fasilite yo jwenn solisyon ak defi sa yo.

Pou fini, Konsèy prezidansyèl la raple ke , divès aktè te patisipe nan jounen refleksyon sa, pami yo : Manm Konsèy Prezidansyèl Tranzisyon, Manm Gouvènman an, Sosyete Sivil la , Manm Konsèy Elektoral Pwovizwa a, Patnè entènasyonal yo ak aktè Siyatè akò 3 avril la.

Nap raple ke ayè aprè midi pou rive jouk samdi maten an la anpil rimè tap kouri ke Konsèy prezidansyèl la revoke doktè Garry Conille et ranplase pa Didier Alix Fils-Aimé. Pawòl sa yo te pwovoke anpil reyaksyon nan sosyete a, anpil moun te bat bravo pou KPT a, yo di doktè a pap regle anyen nan tèt Gouvènman, konsa tou anpil lòt moun mande pou se chodyè a ki pou chavire, pou yo menm ni KPT ni Gouvènman se kabrit Tomazo, menm plim menm plimay.

v